ورق حليم

عايز بنص جنيه
ويكون ورق
حبة ورق..
يمكن يكون
حل الجنون
اللي احنا فيه
قاعدين بنشجب ع الورق..
وحروب كتييييييييييير
عاشت وماتت ع الورق..
والحال خرق ..
وحريم خرق ..
حتي الرجال زي العيال
أبطال عرايس من ورق..
بصو بقي..
من غير قلق..
نفسي أشوف..
عامل شغوف..
شغّال بيبني بالعرق ..
وحقوقه ماشية ف البلد من غير زهق..
من غير فلوس ..ذلة النفوس ..
تحت المكاتب .والورق ..
من غير وسايط ..وكلّه زايط ..
كله ماشي في الطرق..
والدنيا ضلماه....
والسواد مالي البلاد ..
والأفاعي واكله راعي..
كان بيرعي ف المراعي ..
فجأة ماس من الكهربة ..
كله اتحرق..
ده مش هزار ..
ولا أنتحار..
ولا عبارات من غير غرق
وكله يُحفظ بالورق..

وكله في الآخر تاريخ..
مكتوب بحبر علي الورق ..
شايف أخويا بيتسرق..
خايف اقوم..
من نومي يوم ..
أفتح كتاب ..
ألأييه هباب ..
أسال يقولو :-
الحبر طار من ع التاريخ ..
مفضلش يابني غير ورق

عايز بنص جنيه
ويكون ورق
حبة ورق
يمكن يكون
حل الجنون
اللي أحنا فيه
حبة ورق